“过敏”听人讲得多，自己以前就从来都未试过。前两晚在屋企吃完一餐“美极虾+手撕鸡”嘅家常便饭之后，突然出现过敏症状。我原本嘅花容月貌顿时变成咗猪头一个，手脚同身上也出现多处痕痒难止嘅地方。在吃咗从未见过可能有咁多副作用嘅“息斯敏”之后，再瞓返一觉，第二朝就即刻还原靓靓啦。

年过三十，感觉身体嘅抵抗力明显慢慢变差啦……

从今个月开始，终于要同十几年以来在茶几上、饭台上睇书学习嘅艰苦日子讲bye bye啦！

日前我偶然从网上淘到咗一张梦寐以求嘅书桌，虽然是同类型产品中嘅天价，但是可以令我得到舒适、自然、近乎五星级嘅睇书体验，简直是物超所值！

超爽！

今次从香港返嚟，坐嘅是直通车。

• 序幕：惊惊哋
    适逢多名往来香港嘅外籍人士引入禽流感嘅高峰期，好唔好彩，在车上我身边坐咗个戴口罩嘅外籍人士——高危呀！
• 铺垫：都几惊
    肚饿，无办法，我要在距离“口罩男”旁边5厘米嘅地方，摊开一堆沙律、布旬之类嘅生冷嘢食开餐——早知我就吃咗嘢先上车啦！
• 戏肉：好鬼惊
    呢位外籍人兄一路上问咗几次几时到广州站，好似好关心到站嘅個一刻咁。在还有几分钟车程就到站嘅时候，呢位疑似“中东籍蒙面男”突然攞出咗几页手掌大细嘅纸仔，上面写满晒D疑似阿拉伯嘅文字，继而用深沉嘅声音低声朗读——十分疑似自杀式恐怖袭击前向主嘅最后祈祷！
    喂，大佬！乜原来你唔是有感冒架？早响呀！
    我靠窗口坐内侧，佢靠走道坐外侧，形成咗一种对我“一夫当关，万夫莫出”嘅不利形势。我见势色唔妥，正所谓“君子不立危墙之下”，即刻起身攞走行李架上嘅细软，落荒而逃……

虽然新闻报道无关于该次事件嘅披露，但我都十分庆幸自己可以执返条命仔，真是一额汗呀！

阳光明媚，
公园游嬉。
乐极生悲，
烫伤大肶。

可怜嘅小占占二度烫伤，情况都颇为严重，真係心痛死我哋。急急送去秉承中华民族传统医德嘅医院，结果不出所料，利字行头，先收钱后扶伤，反正你急佢唔急。

不幸中之大幸：祸不及啫啫，雄风尤在！

P.S. 从写blog开始至今已有二十个月，每周例必至少一篇，风雨不改，唯独上周特殊日子，被迫默哀一周……

近日发现，为咗氹James去做或者唔好去做一D嘢，“呃细路”显然已经开始成为咗每日都必然嘅家常便饭。

呢D善意的谎言对于平日“正直善良”嘅我来讲你都米话无难度，要点样先可以将呢D呃细路嘅伎俩发挥得淋漓尽致提高到“细路级”嘅最高境界，还有待日后闭关练功慢慢提升级数。